Is it safe to use mobile phone when lighting?

Prefer watching? Check out the video version on YouTube

ഇടിമിന്നലും മൊബൈൽ ഫോണും

(പെട്രോൾ സ്റ്റേഷനിൽ മൊബൈൽ ഫോൺ ഉപയോഗിക്കുന്നതിനെപ്പറ്റി പോസ്റ്റിയപ്പോ ഇതും കൂടെ മെൻഷൻ ചെയ്തേക്കാം എന്നു കരുതി)

മിന്നൽ ഉള്ളപ്പോൾ മൊബൈൽ ഫോൺ ഉപയോഗിക്കുന്നത് സുരക്ഷിതമാണോ?

Scientifically, ടവറിൽ നിന്ന് മൊബൈൽ ഫോണിലേക്ക് വരുന്നത് ഇലക്ട്രോ മാഗ്നറ്റിക് തരംഗങ്ങൾ ആണ്.

മിന്നൽ ആണെങ്കിലോ ഒരു ഇലക്ട്രിക്കൽ തരംഗവും.

പത്താം ക്ലാസ്സിൽ പഠിച്ചിട്ടുണ്ട്...

Electromagnetic waves are electrically & magnetically neutral എന്ന്.

അതായത് ഒരു electromagnetic wave നെ ഒരു electrical wave ന് ഒരു വിധത്തിലും സ്വാധീനിക്കാൻ കഴിയില്ല.

അപ്പോ നിങ്ങൾ ചോദിക്കും,

മൊബൈൽ ഫോണിൽ സംസാരിക്കവേ മിന്നൽ ഏറ്റു: യുവാവ് മരിച്ചല്ലോ.. വാട്ട്‌സ്ആപ്പിൽ ഫോർവേഡ് കണ്ടല്ലോ എന്ന്.

ഇപ്പൊ ചുമ്മാ പത്തു പേർക്ക് റാൻഡം ആയിട്ട് മിന്നൽ മൂലം അപകടം സംഭവിച്ചു എന്നു കരുതുക, അതിൽ 8 പേരുടെയെങ്കിലും കയ്യിൽ മൊബൈൽ ഫോൺ ഇല്ലാതിരിക്കുമോ??

(ഇപ്പൊ നമ്മുടെ രണ്ടാൾടെയും കയ്യിലും ഉണ്ടെന്ന് ഓർക്കുക)

അപ്പൊ ഒരു ഇലക്ട്രോണിക് ഡിവൈസ് ആയതിനാൽ കയ്യിലിരിക്കുന്ന അതിനും കേടുപാട് സംഭവിക്കുക എന്നത് സ്വാഭാവികം. എന്നുവെച്ച് പാപഭാരം മുഴുവനും ആ പാവത്തിന്റെ മണ്ടയ്ക്ക് കയറ്റിവെക്കുന്നത് ന്യായമാണോ? 😜

ഇനീപ്പോ ഇതും വായിച്ച് ഞാൻ പറഞ്ഞല്ലോ എന്നും പറഞ്ഞ് മിന്നലേട്ടൻ മിന്നി നിക്കണ ടൈമില് ഫോണുമായിട്ട് പുറത്തൊന്നും നിന്ന് സൊള്ളാൻ നിക്കണ്ട, കയ്യിൽ ഫോണുണ്ടോ അതില് നെറ്റുണ്ടോ എന്നൊന്നും അങ്ങേര് നോക്കില്ല, കരിച്ചുകളയും പറഞ്ഞേക്കാം.

NB: നല്ല മിന്നലുള്ള സമയത്ത് ചാർജ്ജ് ചെയ്യാൻ കുത്തിയിട്ടിരിക്കുന്ന ഫോണിൽ കുത്തിക്കൊണ്ടിരിക്കുന്ന കൂട്ടുകാരേ, നിങ്ങൾ ആത്മഹത്യക്ക് ശ്രമിച്ചുകൊണ്ടിരിക്കുകയാണെന്നു മനസ്സിലാക്കുക.

എന്ന്,

മിന്നലുള്ള രാത്രി മഴ നനയാതിരിക്കാൻ വെയ്റ്റിങ് ഷെഡിൽ കയറിനിന്നപ്പോ അടുത്തു നിന്നവരുടെ നോട്ടം ഭയന്ന്, വീട്ടിൽ നിന്നുള്ള call എടുക്കാൻ സാധിക്കാതെ, ബോറടി മാറ്റാൻ ഒരു ഗെയിം പോലും കളിക്കാൻ പറ്റാതെ, മിന്നലും മൊബൈലും തമ്മിലുള്ള scientific connection വിവരിച്ച് കൺവിൻസ് ചെയ്യാൻ പറ്റാതെ, ആ മഴ മുഴുവൻ പെയ്തു തോരുന്നത് നിന്ന നിൽപ്പിൽ നിന്നു കാണേണ്ടിവന്ന ഹതഭാഗ്യൻ!

DeOn (ഒപ്പ്)