Kochi is a feeling

"For us, Kochi is not a city. It's a Feeling"
കൊച്ചി മുസിരിസ് ബിനാലെയുടെ പ്രധാന വേദികളിലൊന്നായ ആസ്പിൻവാൾ ഹൌസിന് അരികെ മനോഹരമായ ചായക്കൂട്ടുകളാൽ മതിലിൽ എഴുതിയ വാക്കുകളാണ്...

തൊട്ടപ്പുറെ ഫോർട്ട് കൊച്ചി ബീച്ച്.
"Sunset"
തിരകൾക്കും ആകാശത്തിനുമിടയിലെ അനന്തതയിലേക്ക് ആ ചുവന്ന ഗോളം അപ്രത്യക്ഷമാവുന്ന കാഴ്ച ഇതിലും മനോഹരമായി കാണാൻ കഴിയുന്ന മറ്റൊരിടം ഇവിടെയുണ്ടോ എന്ന് സംശയമാണ്.

പിന്നെ നടപ്പാതകളിൽ വഴിവിളക്കുകൾ ചിത്രം വരയ്ക്കുകയായി...
കണ്ണിനും മനസ്സിനും ഒരുപോലെ കുളിർമ്മയേകുന്ന ഇളം മഞ്ഞ വെളിച്ചത്തിൽ ബർഗർ സ്ട്രീറ്റ്!
വഴിവാണിഭക്കാർ മുതൽ വിദേശികൾ വരെ ഒരുപാട് കഥകൾ പറയുന്ന മുഖങ്ങൾ.

ഭക്ഷണശാലകൾ, ആരാധനാലയങ്ങൾ..
അടുത്തുകഴിഞ്ഞാൽ ആ അന്തരീക്ഷത്തോട് വിട പറയുക എന്നത് ഏറെ ശ്രമകരമായ ജോലി തന്നെയാണ്.

കെട്ടിടങ്ങൾ വെയിലുകായുന്ന, വാഹനങ്ങൾ തിങ്ങിനിറഞ്ഞ, എല്ലാവർക്കും അറിയാവുന്ന എറണാകുളം എന്ന തിരക്കുപിടിച്ച മഹാനഗരത്തിന് ഇങ്ങനെ വേറിട്ട പല മുഖങ്ങളുമുണ്ട്...
കുറച്ചു മുന്പ് പറഞ്ഞ 'കൊച്ചി എന്ന വികാര' ത്തിന്റെ ആത്മാവ് അവിടെയൊക്കെയാണ്.

വൈറ്റില ഹബ്ബിൽ നിന്ന് ഉൾനാടൻ ജലഗതാഗത പാതയിലൂടെ കാക്കനാട്ടേക്ക് ഒരു ബോട്ട് സർവ്വീസുണ്ട്, മനസ്സൊന്നു ശാന്തമാക്കി ഒരു പത്തുരൂപാ ടിക്കറ്റെടുത്ത് അതിലേക്കൊന്നു കയറിയാൽ അറിഞ്ഞുതുടങ്ങാം കൊച്ചിയെ.
നിത്യം കാണുന്ന കാഴ്ചകൾ ഒക്കെ വ്യത്യസ്തമായൊരു ആംഗിളിൽ കണ്ണിലേക്ക് പതിയുമ്പോൾ കിട്ടുന്ന ആ സുഖം പറഞ്ഞറിയിക്കാനാവില്ല.

ശെരിയാണ്, Kochi is a feeling !!!

-DeOn-

Read this original post on Facebook