Google replacing APK with AAB

Android ആപ്പുകൾ .apk ൽ നിന്നും .aab ലേക്ക്.

ആഗസ്ത് മാസം മുതൽ ഗൂഗിൾ പ്ലേ സ്റ്റോറിൽ നൽകുന്ന പുതിയ ആപ്പുകൾ / പുതിയ ആപ്പ് അപ്ഡേഷൻ ഒക്കെ AAB (Android App Bundle) ഫോർമാറ്റിൽ ആയിരിക്കും.


APK (Android Package) യെക്കാൾ 15% വരെ കുറഞ്ഞ file size ആയിരിക്കും AAB ആപ്പുകൾ എന്നാണ് ഗൂഗിൾ പറയുന്നത്. അതുകൊണ്ടു തന്നെ വേഗത്തിൽ ഡൗൺലോഡ് ചെയ്യാനും കുറഞ്ഞ storage ൽ ഉപയോഗിക്കാനും കഴിയും.

So, Developers ന് ഇനിമുതൽ തങ്ങളുടെ ആപ്പ് ഓരോ device നും optimize ആവുന്ന വിധത്തിൽ പ്രത്യേകം build, sign ഒന്നും ചെയ്യേണ്ട ആവശ്യമില്ല. AAB ഉപയോഗിച്ച് ഓരോ device ന്റെയും configuration അനുസരിച്ച് Google Play വിതരണം ചെയ്തോളും.

2018 ലാണ് ഗൂഗിൾ AAB അവതരിപ്പിക്കുന്നത്. നിലവിൽ Adobe, Netflix, Twitter അടക്കം ഒരുപാട് ആപ്പുകൾ ഈ ഫോർമാറ്റിലാണ് ഉള്ളത്. ഈ വർഷത്തോടെ എല്ലാ ആപ്പ് submission ഉം AAB ലേക്ക് മാറ്റി Play Store ൽ നിന്നും APK പൂർണ്ണമായും ഉപേക്ഷിക്കാൻ ആണ് ഗൂഗിളിന്റെ തീരുമാനം.

ഇത് കൂടാതെ 150 MB ക്ക് മേലെ വരുന്ന ആപ്പുകൾക്ക് Play Asset Delivery (PAD) ഫീച്ചറും ഉണ്ട്.
അതായത്, PUBG പോലുള്ള വലിയ size ഉള്ള ഗെയിമുകൾ ഇപ്പോൾ APK ക്ക് പുറമെ Expansion file (OBB) ഉപയോഗിച്ചാണ് run ചെയ്യുന്നത്. PAD ലൂടെ ഈ game resource files പ്ലേ സ്റ്റോറിൽ നിന്ന് തന്നെ എളുപ്പത്തിൽ ഡൗൺലോഡ് ചെയ്യാൻ കഴിയുന്ന സൗകര്യം കിട്ടും, OBB യും ഒഴിവാക്കും.

PAD ക്ക് പുറമെ Play Feature Delivery (PFD) യും ഉണ്ട്... ഒരു ആപ്പിലെ ഫീച്ചറുകൾക്ക് നമ്മുടെ ആവശ്യത്തിന് ഡൗൺലോഡ് ചെയ്തെടുക്കാനുള്ള സൗകര്യം.

എങ്കിലും, Amazon App Store, Huawei App Gallery ഒന്നും AAB സപ്പോർട്ട് ഇല്ലാത്തതിനാൽ developers ന് തങ്ങളുടെ ആപ്പുകൾ ഈ പ്ലാറ്റ്ഫോമുകളിൽ പബ്ലിഷ് ചെയ്യാൻ APK കൂടി ഉണ്ടാക്കേണ്ടി വരും.
മാത്രമല്ല തങ്ങളുടെ 11th version ൽ Android Apps support കൊണ്ടുവരാൻ ഇരിക്കുന്ന Microsoft Windows നും ഇതൊരു തിരിച്ചടിയായേക്കും.

- DeOn -